" एक एक गंमत असते ना ? "
" समजलो नाही मी. "
" काही त्रिपुरारी मनात असतात. त्यांना पौर्णिमा लागत नाहीत ."
" खरं आहे. "
" म्हणजे ? "
" आपण तन- मन- धनाने असं नेहमीच म्हणतो. पण तन आणि धन या गोष्टी मनापेक्षा वेगळ्या असतात. "
" ....".
" तनाची आणि धनाची वळणं आणि वेलांटया लक्षात येतात. पाहीजे असलं तर ....पण मनाचे तसे नाही ना ! "
" ...."
" जाणवतात कधी तरी... पण जाणवतातच असंही नाही ना "
" म्हणूनच तर त्रिपुरारी म्हणले. "
" तसंही त्रिपुरारीच्या पूजेला अर्ध्या कोहळ्यात वात लावत पूजा करतात हे सांकेतिक वाटतं राहते. "
" कित्येक देवळात त्रिपुरारिच्या पूजेला प्रदक्षिणाही अर्धीच.... "
" त्रिपुरारी अशीच असते.... देवळातलीही आणि मनातलीही... "
" त्रिपुरारी.... "
४ डिसेंबर २०२०
No comments:
Post a Comment